澳門第一批「貧人」名單出爐！快啲睇下有冇你
发布时间：2018-08-18 07:30大家都有一個夢想就係
“一個人”
喺澳門點樣先算係有錢？
小Pe覺得
應該要具備以下條件
住小區房、
月入過萬、
養番狗、
有個燒錢的愛好、
想食晏可以出去食、
可以行街買名牌袋同埋手錶，
間唔中仲可以嚟個小旅游……
咁樣嘅生活
點都算係小康了掛？
但係喺當今咁繁華嘅澳門
竟然存在一班「隱形貧窮人口」
日！日！嗌！窮！
明明係下個月連咔數都還唔起嘅契弟
卻畀人一種存款戶口有六位數嘅錯覺
最慘嘅係平時太識使錢
依家窮到喊都冇人信！
55555
出咗糧就好似大姨媽，一個月嚟一次，一個禮拜就搞掂。簡直係名副其實嘅「月光族」。戈一個禮拜，想食乜就食乜，想買乜就買乜。但之後嘅日子，日日都係公仔面，已經研究出幾十種公仔面食法。
人哋睇我著嘅衫同包，個個都以為我存款至少有六位數！但其實我成副身家都喺曬身上！人前風光，人後窮鬼。
冇錯!
上一秒仲大魚大肉，下一秒就「吃土」
小Pe整理咗
快啲埋嚟睇下你中咗幾條？
打開你嘅
銀包、credit card、
澳門通、支付寶微信...
你都會發現佢哋都有一個共同點
空！空！如！也！
可能唯一最「常滿」嘅
應該係帳單...
同事叫我將啲人仔放餘額寶可以賺錢
但係我想話...
我邊度嚟餘額人仔？？？
鐘意模型嘅朋友應該知道
呢樣嘢究竟有幾燒錢
隨隨便便一個限量版
追星嘅妹妹仔就更唔使講
偶像BB嘅專輯要買、周邊更要買
偶像BB嘅演唱會要去、新電影要支持！
每次一到換季
都要大嗌「我冇衫著喇」
冇錯
舊年嘅衫已經趁唔起我喇！哼~
所以
衫一定要買！
衫都係新噶
咁包一定都要係新噶!
養寵物？
講起就傷心
點解我天生咁又愛心？
貓貓狗狗食得都比我好吖~
我份糧-咔數=負數
每個月都係「月光族」
你仲想儲錢？？？
每日叫醒我嘅唔係鬧鐘
係！貧！窮！
凡係可以用錢解決嘅問題
我都解決唔到
你問我點解？
每次一出糧
感覺自己都冇點用
名牌又冇買，著嘅係淘寶貨
房吖車吖，乜都冇買窩
錢？？
就咁神秘失蹤咗...
儘管日子已經過得好慘慘豬
但係身邊嘅親戚朋友
個個都以為自己好有米
對於呢種人我就想講一句
大家以後唔好問小Pe
乜嘢叫隱形貧窮人口喇！
It's me~
細細個Miss就教我哋
要互相幫助
所以希望大家對我好啲啲
慰問我
氹下我
或者請我食好嘢
澳門咁多正嘢食
乜都得喇~
不過喺澳門
除咗隱形貧窮人口
你仲有可能係...
睇起身身材均勻
其實除咗件衫
拜拜袖就出曬嚟
男朋友識走
錢會用曬
但係肥肉一定唔會離開你！
雖然美食會令人變肥
但係都係忍唔住吖點算！
外仲超級窩心
澳門便利店邊度都喺
M記仲要24小時開通
啱好七夕...
周圍啲Friend都放閃
狗糧滿滿一碗食唔曬
係得自己仲踎喺屋企
食外賣...
點解冇人約我出街？！
憑住實力做個單身寡佬
我好驕傲~（55555）
最後祝大家喺下一個情人節
早日揾到另外一半！
（最好變成隱形富豪哈哈哈哈）
小Pe自己低頭睇咗下
貧窮算啲乜吖！
至少我係開心快樂
雖然我冇錢
但係我仲有肉吖！
圖片來源：MacauLife
素材來源：MacauLife
版權屬於原作者
編輯撰寫：小Pe
本號原創文章，未經授權，不得轉載
“近期熱帖速遞 ”
Macau旅行，係一種撇唔甩嘅癮...
獨家整理！史上最強氹仔賭場一日游攻略『急急腳版』
係邊一個Moment，澳門呢座城市打動咗你？
澳門本地人先知嘅「筍嘢」！跟住小Pe去「揾食」！